မိန်းကလေးတိုင်းရဲ့ နေ့စဉ်ဘဝမှာ မပါမဖြစ် အသုံးပြုနေကြတဲ့ အလှကုန်ပစ္စည်းတွေကို ဘယ်လိုအချိန်မှာ အသုံးမပြုသင့် တော့ဘူးလဲဆိုတာဟာ အရေးကြီးအချက်တချက်ပါ။ ဝယ်ထားပြီး အသုံးမပြုဖြစ်တဲ့ အလှကုန်ပစ္စည်းတွေလည်း ရှိနိုင်သလို တခါတရံမှသာ အသုံးပြုလေ့ရှိတဲ့ အလှကုန်ပစ္စည်းတွေလည်း ရှိတတ်ပါတယ်။
ဒီလိုအလှကုန်ပစ္စည်းတွေ အသုံးမပြုသင့်တော့တဲ့ အချိန်မှာ နှမြောပြီး အသုံးပြုမိမယ်ဆိုရင် အသားအရေအတွက် မလိုလားအပ်တဲ့ ပြဿနာတွေ ဖြစ်ပေါ်နိုင်တာကြောင့် အလှအပချစ်သူတွေအတွက် ဗဟုသုတအနေနဲ့ ပြန်လည်မျှဝေပေးလိုက်ပါတယ်။
► Mascara
မျက်တောင်ကော့တဲ့အခါ အသုံးပြုတဲ့ Mascara ကို သုံးလကနေ လေးလလောက်အထိသာ အသုံးပြုသင့်ပြီး အဲဒီထက်ပိုပြီးအချိန်ကြာကြာ အသုံးပြုမယ်ဆိုရင် မျက်သားခမ်းခြောက်တာ၊ မျက်လုံးထိခိုက်တာမျိုးတွေ ဖြစ်နိုင်တာကြောင့် သုံးလတကြိမ် ပြောင်းလဲသုံးစွဲပေးသင့်ပါတယ်။
► Eyeliner
Eyeliner တွေကတော့ အမျိုးအစားပေါ်မူတည်ပြီး ကြာရှည်ခံပါတယ်။ Liquid Type အရည်ပုံစံဆိုရင်တော့ သုံးလကနေ ခြောက်လလောက်အထိ အသုံးပြုနိုင်ပြီး Pencil Type ဆိုရင်တော့ ခြောက်လကနေ တနှစ်အထိ အသုံးပြုနိုင်ပါတယ်။
► နှုတ်ခမ်းနီ
နှုတ်ခမ်းနီတွေဟာဆိုရင်လည်း အမျိုးအစားပေါ်မူတည်ပြီး အချိန် ၁ နှစ်လောက်ထိ အသုံးပြုနိုင်ပါတယ်။ အရောင်မပြယ်မချင်း အနံ့ဆိုးမထွက်မချင်း အသုံးပြုတာမျိုးကို မပြုလုပ်သင့်ဘဲ Lip Gloss တွေဆိုရင်တော့ ၆ လ ကနေ ၈ လအထိလောက်ပဲ အသုံးပြုသင့်ပါတယ်။
► Foundation and Concealer
မိတ်ကပ်အမြဲလိမ်းတဲ့ ပျိုမေတွေ သိထားသင့်တဲ့ အချက်တခုပဲ ဖြစ်ပါတယ်။ အောက်ခံမိတ်ကပ်နဲ့ Concealer တွေကိုတော့ တနှစ်လောက်အထိ အသုံးပြုနိုင်ပြီး တနှစ်ကျော်သွားရင်တော့ ဆက်လက်အသုံးမပြုသင့်တော့ပါဘူး။
► ရေမွှွေး
ရေမွှေးတွေကတော့ အချိန်ကြာကြာ အသုံးပြုနိုင်တဲ့ အလှကုန်ပစ္စည်းတမျိုးဖြစ်ပါတယ်။ ၃ နှစ်ကနေ ၅ နှစ်လောက်အထိထားပြီး အသုံးပြုနိုင်တာကြောင့် ရေမွှေးစုဆောင်းရတဲ့ ဝါသနာပါသူတွေအတွက်တော့ သတင်းကောင်းပါပဲ။
မြန်မာပြည်သူလူထုရဲ့ ကျန်းမာရေးအခက်အခဲများအတွက် ဖုန်းထဲမှာ အမြဲရှိနေပေးမယ့် MyHealthcare Mobile Application
==========================
• MyHealthcare Application ကို Google Play Store မှအခမဲ့ ဒေါင်းယူရန် - http://bit.ly/2Tr7j8s
• Google play store မှဒေါင်းလုပ်မရပါက ဒီလင့်လေးမှဒေါင်းလုပ်ပြုလုပ်ပေးပါ - http://bit.ly/2NQ5uf8
----------------------------------------
www.myhealthcare.com.mm
